العالم يساند الشعب المصرى

بسم الله الرحمن الرحيم

السلام عليكم ورحمة الله وبركاتة


وبعد

العالم جميعا يدعوا الى حكومة جديدة ويدعم الشعب المصرى

يلا يامصريين دى بلدنا وشكل ما الكل قال مصر بحبها بلدى والى يمسها اكلوة بيسننانى وانتهى الى يفكر غير كدة


دلوقتى مصر دى دلوقتك والعالم كلة معاك ودى فرصتك عشان تحقق احلام اخواتك وولادك
من دستور الدولة : يجب ان توفر الدولة مطالب الشعب وان توفر لهم العمل
دلوقتى مفيش اعمال يبقى من حقك تشارك وتطلب






دلوقتى هتشوف مصادر ومعلومات مؤكدة من المواقع وقناة الجزيرة


اكثر من 50 جريح و500معتقل واعتقال 8 صحافيين داخل نقابتهم
من الدستور : لايحق ان يعتقل اى صحافى مدام داخل نقابته او اثناء عملة

ياترى هتسبوا الناس الى ماتت واعتقلت دى املها فيكم ودمهم واعتقالهم فى ذمتكم
ليوم
الدين انا عن نفسى رحت المظاهرة واصحابى راحوا مرة واحدة عشان مش ليهم فى
السياسة بس راحوا عشان حرية مصر ويقدروا انهم يحققوا احلامهم

تونس قتل اكثر من 40 شخص ولكن انظر الى حالها اليوم وهذا خبر اليوم وعاجل

الحكومة التونسية : توافق على بناء حكومة جديدة بدل من الحكومة المؤقتة فى اسرع وقت

هى تونس اجدع مننا ولا اية دلوقتى الحكومة بتسمع كلامها عارفين لية؟

لانهم عاوزين مصلحت البلد مش بنقول عاوزين مرتب ب5الالف ولا ترقية لوزير
لا بنقول لية حسنى مبارك وابنه يكونوا رائيس على مصر لية مايكونش ابنى اوابنك
لية ما يكونش اخوية واخوك لية لما الواحد يخلص تعليمه لازم يسافر يشتغل فى دولة تانية

لية ما اشتغلش فى بلدى

اخر الاخبار العالمية :

جميع دول العالم وحقوق الانسان :تدعوا وتوافق الى مطالب الشعب المصرى

احزاب وجماعات معارضة : تدعوا لرئيس جديد لدولة مصر

الشبكات العربية للمعلومات لحقوق الانسان :تدعوا الى تغيير وزير الداخلية لموافقته على اطلاق النار على الشعب فى مظاهرة سلميه

وزير الداخلية : يطالب باشد العنف على الشعب المصرى والمتظاهرين وضرب الرصاص الحى

جماعه صديقة لحقوق الانسان الدولية: تدعوا لحكومة جديدة بسبب السماح بمقاتل واعتقال الصحافيين فى مظاهرات سلمية

الاتحاد الاوربى : المظاهرات المصرية هى محاولة للتغيير المصرى

المانيا:يجب ان توافق الحكومة المصرية على مايسعى الية الشعب المصرى وان تحترم حقوق الشعب وحريتة

كفاية كدة بقى كلام عن الدول

هنبص لدولتنا شفتوا وصلت لحد فين

انت فخور انك مصرى بذل دة ولا بالجوع

ما تنشر يلا المقال دة لكل الناس ولا دى كمان خايف

هتطلع جبان حتى وانت على النت ووسط اصحابك

على فكرة ممكن تكون انت السبب فى الحرية لبلدك

احنا مش جماعة متطرفة ولا فريق لوحدة احنا شباب مصر عاوزين مصر تبقى احسن

مش هوصيكم بقى بس دى مش بلد حد دى بلدنا احنا مصر الى بنقول عليها

امنا وام الدنيا

المعلومات الى جايبها النهاردة مش كدب ولا هزار
احنا دلوقتى فى وقت الجد
لاول مرة الشعب المصرى هيحقق احلامه بايدة

لية مسائلتش نفسك هو انا لية بنشر خبر شكل دة وما اعمل شكل ناس بتخاف من السجون ؟

خصوصا انى سنى مش كبير !!!

لان دى بلدى ومن حق الصغير والكبير يطلب حقة فيها
ميهمنيش سجون ولا اعتقائلات المهم اكون طالبت بحقى
وفى مثل بيقول لان اكون ذليلا للحق خير من ان اكون قائدا للباطل

يعنى بالمصرى اتسجن وان على حق احسن من ان اكون وزير داخلية فى الباطل

انا لحد كدة كلامى خلص بس فى الموضوع دة بس لانى لسة هطلب حق الناس كلها

لانهم امانة فى رقابتنا

والسلام عليكم ورحمة الله وبركاتة